Prome Minister di Aruba Eman a representa PM Rutte di Hulanda

admin

Nombramento di miembronan di Panel di Nivel Halto riba awa instala na New York

Secretary-General Ban Ki-moon meets with Members of the Joint United Nations and World Bank High-Level Panel on Water.

Secretary-General Ban Ki-moon meets with Members of the Joint United Nations and World Bank High-Level Panel on Water.

ORANJESTAD (AAN): E Panel di Nivel Halto riba awa di World Bank Group y Nacionnan Uni cu a keda instala na luna di januari di e aña aki na Davos durante un foro di Economia Mundial, a apunta su 10 miembronan.

Esaki a worde haci door di secretario general di Nacionnan Uni sr. Ban Ki-moon y presidente di World Bank Group sr. Jim Yong Kim. E miembronan cu a keda instala ta hefenan di estado, entre nan Prome Minister di Hulanda Mark Rutte.

Tambe dos consehero general pa e panel aki a keda anuncia. Prome Minister di Aruba Mike Eman a representa Rutte na e instalacion aki.

   Meta di e Panel ta pa mobilisa accion activo pa acelera implementacion di SDG6 (Metanan pa Desaroyo Sostenibel 6) cu ta enfoca pa tin accesibilidad di maneho sostenibel di awa y servicio sanitario pa tur hende na momento di retonan imprevisto.

    Secretario general Ban Ki-moon a bisa cu e siguransa cu tin awa y servicio sanitario ta crucial den reduci pobreza y logra e metanan sostenibel di desaroyo. “Mi ta pidi tur partner pa nan mobilisa tras di SDG6 cu nan sosten politico, financiero y tecnico.”

   Awe 2,4 biyon di hende na mundo no tin servicio sanitario y por lo menos 663 miyon hende tin falta di awa cu ta ‘safe’ pa bebe. Falta di bon sanitario, falta di awa cu ta safe pa bebe y falta di higiena ta causante di mas o menos 675 mil morto di babynan prematuro. Secura y inundacion tambe ta causante di problemanan grandi rond mundo y variacion di clima lo haci e problema di awa pio ainda.

   Pesey cu awa limpi y bon sanitario ta esencial den scapa bida di hopi.

E acuerdo conhunto di World Bank Group y Nacionnan Uni, Panel di Nivel Halto riba awa ta provee e liderazgo necesario pa ataca e retonan aki y desaroya un forma extenso, inclusivo y cooperativo di maneha recursonan di awa y percura pa mehora acceso na awa y servicio sanitario. E miembronan a keda apunta pa un periodo di dos aña.

Next Post

Jimmy Buffett's 'Margaritaville' Is a State of Mind, and an Empire - New York Times


New York Times

Jimmy Buffett's 'Margaritaville' Is a State of Mind, and an Empire
New York Times
Other singers have parlayed their personas into business empires — Dolly Parton, for instance, with her Dollywood theme park, Dixie Stampede dinner theaters, Dolly slot machines and “Coat of Many Colors” merchandise — but none are as singularly ...

and more »