Problema pa paga Nummerplaat a finaliza den pelea

admin

Number a caba pero su number ta bay hunga

ORANJESTAD (AAN): Patruya di Polis di San Nicolas riba Diamars a bay direccion HulpBestuurskantoor  pa un bringamento.

Na yegada, e security guard di inicial D. a splica, cu un muher  desconoci pe a cuminsa zundra e pober guardia debi cu el a bin paga Nummerplaat, y no tin number mas pa haya turno y paga belasting di auto.

E security D. a sigui declara, cu e muher a cuminsa grita y a zundra tanto e guardia y e empleadonan.

Ora cu guardia a bay papia cu e señora tocante su comportacion, e muher a bay off!  El a bay pafo y a bolbe cu su yiu homber.

E yiu homber a dicidi na cuminsa bringa cu e security, fuera el a destrui e mesa di Security tambe.

Despues e homber a bay pafor  habri baul  di auto y a saca martieu y pafor el a keda zwaai cu e martieu.

Despues nan a drenta den auto cora Suzuki Liana cu number A-37225.

Keho di destruction na HulpBestuurskantoor a worde entrega, y e Security di inicial R. a worde poni na altura pa entrega denuncia oficial na Recherche.

 

Next Post

Watch out pa e triki di atracadornan pa cera meter di awa pafo

Ciudadano ta adverti ORANJESTAD (AAN): Ultimo tempo por nota cu na Aruba, tin varios crimen cu ta wordo cometi usando e ‘triki’ cu ta hopi na moda na paisnan Latino Americano. E ta algo cu a presenta su mes algun tempo pasa caba.  Bo mester ta awor hopi alerta ora […]