Poster hopi util a wordo traha y manda pa tur crêche na Aruba

The content originally appeared on: Diario

Ministro Oduber a ricibi un copia

ORANJESTAD (AAN): Durante siman, Minister Dangui Oduber a ricibi señora Noemi Maduro hunto cu Wit Gele Kruis (WGK) y Jeugdgezondheidszorg (JGZ) pa asina presenta un poster den cuadro di conscientisacion y prevencion pa ora babynan bay crêche.

   Presente tabata tey señora Swinda Dumfries cu ta coordinadora di e team “Gezonde School Adviseur”, señora Janice Essers Hooft cu ta Doctor Wit/Gele Kruis & JGZ na Directie Volksgezondheid Aruba, señora Linda Croes y señora Surella Croeze.

   E poster aki ta hiba cune 10 punto cardinal cu ta ser reenforsa, cual ta hancra den e ley di kinderopvang. Cada kinderopvang ta haya informacion ariba diferente manera, diferente herment, cu ta yuda e trahado pedagogico den su trabao ora ta trata bienestar y seguridad di cuido di baby.

   Plataforma Veiligheid Kopv ta consisti di: DMH, DVG, WGK, FPNM, ImSan y Rode Kruis.

   Sigur un bunita iniciativa cu Ministerio di Salud ta sostene completamente. Cu esaki lo percura pa comparti tur informacion necesario na esnan cu ta duna cuido pa tene cuenta cu tur e aspectonan cu ta necesario pa evita y preveni cu babynan por haya nan mes den problema ora nan ta na crêche.

   Ministro  Oduber ta gradici tur organizacion y fundacion cu ta traha conhuntamente pa trece mas informacion manera esaki dilanti pa conscientiza pueblo di Aruba.