Polis ta contra di entrega di lista na Censo

admin

ORANJESTAD(AAN): Manera ta conoci, Censo a anuncia cu nan lo mantene, aunke contra conseho di Polis, e sitio di entregamento di lista. A papia cu Alto comisrio di Polis, sr. Dolfi Richardson, kico ta e motibo tras di esaki. Tin un carta cu a bay y e ta bay splica pa ken e carta a bay y kico a pasa.

Alto Comisario tey pa garantisa hunto cu su miembronan di team, e siguridad di e pueblo aki. Nan ta mira cosnan, evalua cos, conseha y finalmente presenta algo tambe.

Tin un entregamento di lista, e fecha ta conoci. E ta splica cu tabata tin diferente encuentro cu Conseho Electoral, pa loke ta cierto palabracionnan a wordo haci. Cuerpo Policial ta wordo representa door di diferente colega cu a encarga cu esaki. E preparacion pa dia 4 di Augustus.

Antayera el a sinta cu e presidente di e comision aki, unda cu el a splica e alto comisario cu nan no a logra convence e conseho pa busca un otro luga pa entrega. E ora eynan a bisa nan cu ta compronde, pasobra a pidi nan pa por fabor, laga nan reconsidera, mirando cu e luga eynan, ta anticipa cu por trece cierto retonan cun’e, en conexion cu siguridad di e establecimento, tambe den e vecindario di Censo.

Pero teniendo na cuenta cu nan no por a convence nan a dicidi toch, como responsabel pa orden publico, pa manda e minister concerni un carta, unda cu e ta vocifera su preocupacion pa dia 4 di Augustus y ta spera cu nan lo a reconsidera, teniendo na cuenta cu momento algo bay robes, ta un nomber lo wordo menciona, cual ta di dje, y no di Conseho Electoral.

 

 

 

 

Next Post

Polis ta busca 3 persona cu a huy for di Guarda nos Costa

ORANJESTAD(AAN)– Polis a informa u ayera mainta mas op menos 10 or 3 persona a huy for di tereno di Guarda nos Costa Ta trata aki di e personanan: Jean Kensly Georges, naci na Haiti 30-12 1995 Ramon Antonio Sanchez Del Rosario Naci na Venezuela 26-10-1984 Y   Pablo Isaac Herman […]