Polis a menaza di detene Nancy Grace y Beth Holloway na Aruba

The content originally appeared on: Diario

ORANJESTAD (AAN): Dialuna den rednan social por a mira un conmocion pa motibo cu e periodista Mericano, Nancy Grace como tambe mama di Natalee Holloway, Beth Holloway ta na Aruba.


            Segun e post di Nancy Grace riba su medionan social, nan ta ‘trace bek’ e ultimo pasonan di Natalee na Aruba, pero polis a yega na area di high-rise hotels y menaza cu nan detencion.  E no a indica kico tabata e motibo di e menaza aki.

            Nancy Grace a reclama riba su post cu polis no a aresta Joran van der Sloot pa asesinato di Natalee, pero no por a warda pa ‘nab’ (detene) Nancy Grace y Beth Holloway.    

            E post aki a ricibi hopi comentario di usuarionan cu a indica cu nan “no lo bishita Aruba”, “nunca lo bishita Aruba” y “esaki ta un berguenza pa Aruba”.

            Riba otro medionan, por a nota varios mericano cu a rechaza esaki y a defende Aruba. 

            DIARIO a tuma contacto cu vocero di Polis, pero e no a duna comentario of un update riba e caso.