Polis a frustra plan di atraco cu detencionnan relampago

admin

ORANJESTAD(AAN): E nota awor a ser duna oficialmente!  E acto di detencion relampago riba Weststraat pabao di Royal Plaza Mall, tabata pa frustra un atraco.

E Polisnan cu ta consisti di diferente departamento a frustra un atraco arma riba un negoshi na Playa.

Dialuna ta un total di 7 detencion a tuma lugar. Polisnan a haci uso di Polis Uniforma pa logra para autonan y haci detencion na Palm Beach na Noord, a logra usa Arestatie Team pa haci detencion riba caya den Weststraat, a usa tambe Arestatie Team pa haci detencion den cas na Tanki Leendert y tambe a usa Polis Uniforma cu Recherche pa haci detencion den Caya Musica.

Cinco persona local a keda deteni y tambe otro dos Venezolano. Notable ta cu e dos Venezolanonan aki ta worde considera peligroso y a haya bon yudanza di nos mesun hendenan local pa asina prepara tur cos pa comete atraco. Ta facilitanan arma, hibanan pa conoce e lugar y hasta duna nan hospedahe pa asina keda riba e isla, hopi tristo mes e cos aki ta.

Finalmente por bisa cu e atraco mes no a tuma lugar y awor mester bay saca afo si nan tabata envolvi caba den otro atraconan cometi riba nos isla. Pabien na Cuerpo Policial cu e tremendo trabao cu nan a haci.

 

Next Post

Victima di 53 aña di Piedra Plat ta den estado critico

Sospechoso Dave Kop a keda pasa riba dje sin piedad ORANJESTAD(AAN): E incidente di diadomingo anochi na Piedra Plat banda di Mandingo Snack tin atencion di autoridad. E sospechoso Dave Kop di 18 aña ta e persona cu a pasa intencionalmente riba e victima. E ta conoci caba den e […]