Polis a core cu grupo cu tabata chill bao palo di kwihi

The content originally appeared on: Diario

ORANJESTAD (AAN): Tabata Diabierna anochi trempan pa 6:40 pm, cu Central di Polis a dirigi unidad di Polis di Noord pa un area na Bubali,

como cu tin algun hende pafo di un establecimento ta bebiendo alcohol bay goal bao di un palo di kwihi.

   Dos unidad di Polis di Noord a yega na e lugar, y a bin topa cu un grupo di hende, cu baki di Pickup habri, icejug yen, y varios cabayero y dama ta chill ta bebe cu musica ta bati.

   Asina cu Polis a yega, ya caba algun hende a core cana pa nan auto.  Polis a papia cu e hendenan y a pone nan na altura cu keto bay reglanan di Decreto Ministerial di ‘gebiedsverbod’ ta valido.

   A djis duna nan un advertencia, y a duna nan ordo pa bandona e lugar mesora.  A cera baki di pickup, warda e icejug, y na final tur hende a bay y e palo di kwihi a haya trankilidad bek.