Polis a bay yuda trece velero ‘Chapo’ pa Waf

The content originally appeared on: Diario

ORANJESTAD (AAN): Tabata Diahuebs merdia banda di 12:30 pm, cu autoridad a haya peticion pa yuda un Velero cu tabatin problema cu su motor.

   Ta trata di e yate SY Chapo, un velero di 14 meter largo y 4 meter hancho nabegando bao bandera Aleman.  Net e momento ey e tabata den boca banda pariba di Paardenbaai na altura di Surfside Marina.

   E informe a wordo pasa pa un unidad di Polis Maritimo, cu a dirigi su mes eynan.  Aki e Capitan a splica cu e tin problema cu su motor, y lo desea un yudanza pa e yega na Waf.

   Polis Maritimo a duna e boto un cabuya, y asina a lastre poco-poco te cu ora nan a yega na Waf.  Asina lo bay busca yudanza pa check con ta drecha e problema cu nan motor Diesel cu nan ta confrontando.

    Tur hende abordo tabata OK.

   E velero Chapo a sali for di Alemania na 2019 y ta riba un viahe caminda nan ta bishitando hopi pais.  Nan tin varios amigo na Aruba, y Diamars siman pasa nan a yega e isla bek.