Playa Linda Aruba a atrae ofertanan halto durante gala di recaudacion di fondo

admin




ORANJESTAD(AAN)– E oportunidad pa keda un siman na Playa Linda Beach Resort na Aruba a ricibi nivel halto di interes na e Gala y Subasta Anual di Summit Medical Group Foundation (SMGF) 2017, un evento di recaudacion di fondo teni recien na The Grove na Cedar Grove, New Jersey. E evento cu a estrena como huesped Seth Meyers, host di Late Night with Seth Meyers. Durante e Gala, e excursion pa Playa Linda tabata entre e cantidad di articulo cu a keda subasta den silencio y a lanta hopi interes y ofertanan hopi halto.

“E evento a bay extremadamente bon. A recauda mas di un miyon dollar, y tabata danki na tur hende cu a participa, incluyendo Playa Linda Beach Resort. E trip pa Aruba tabata un articulo sumamente popular, y tabata un di e articulonan cu e subasta silencioso a genera mas tanto oferta cune,” asina SMGF su Executive Director Joe Finocchiaro a comenta.

The Summit Medical Group Foundation tin un historia largo di eventonan similarmente exitoso estrenando huespednan celebre, cu un participacion fuerte di donantenan como tambe participantenan den reconocimento di su trabou valioso henter aña largo cu e fundacion ta cumpli cune. SMGF ta dedica na construi un futuro sano por medio di educacion, investigacion y promocion di bienestar cu iniciativanan incluyendo inspeccionnan di bienestar gratis como tambe becanan academico. E fundacion ta parti di the Summit Medical Group, New Jersey su grupo di doctor multi-specialisa priva mas bieu y mas grandi.

“Nos tin hopi respet pa loke ta ser logra via di fundacionnan manera SMGF, especialmente ora tin esfuersonan ta dirigi pa sigura e bienestar di e totalidad,” asina  Peter van Grinsven, Gerente General di Playa Linda Beach Resort a comenta. “E ta un sentimento cu ta comparti pa nos huespednan y nos miembronan cu hasta ora nan ta cu vakantie, ta duna bek y generosamente ta haci donacion na fundacionnan local cu nos a sostene. Ora presenta cu e oportunidad pa extende e sosten pa nos comunidad mas amplio, nos tabata contento di por a haci esaki den e caso particular aki.”

 

Un comunidad sano y feliz ta integral pa e mission di Playa Linda como “un hogar leu di cas” pa su miembronan, huespednan y empleado. Hunto cu su medio ambiente pintoresco, varios facilidad y acomodamiento espacioso, Playa Linda mas tanto biaha ta ricibi elogio pa su hospitalidad y amabilidad di su staff, y pa atrae e regreso na un lugar aña tras aña, y gosa di e compania di colega miembro cu tambe a bira amigo di cerca cu tempo.

 

 

 

 

 

Next Post

The Legacy of the Aruban Drummers tabata un exito

ORANJESTAD (AAN): Na Renaissances Market Place a tuma lugar e concierto di The Legacy of the Aruban Drummers. E anochi aki a presenta: Richard Holmond, Stephen Diaz, Derrick Huntington, Pierre Koolman, Chris Rodulfo, Lidrick Solognier, invitadonan special Nel Scholten (Steel Drums) acompaña pa Jamaal Baptiste (Piano), Freddie Franken (Guitar, Franklin […]