Plan di reorganisacion di Post NV lo wordo anuncia den e proximo simannan

The content originally appeared on: Diario

Minister Geoffrey Wever:

ORANJESTAD (AAN):   Minister Geoffrey Wever a duna di conoce durante un conferencia di prensa dialuna ora cu prensa a puntr’e riba e situacion di Post NV caminda tin un suma di placa di mas o menos 20 miyon florin cu gobierno mester paga.

            E mandatario a laga sa cu e ta na altura di e situacion financiero di Post NV. Tin diferente ‘doorlichting’ tabata sosodiendo. Tin esun di e compania PwC cu a identifica esaki.

            Wever a bisa cu tin un relacion dobel pasobra Post NV ta duna servicio na gobierno y na otro banda tin un debe tambe di parti di e primanan. Esey ta algo cu ta den preparacion pa wordo calcula y cera.

            A reitera cu esaki ta algo cu ta den preparacion y den e proximo simannan, e plan di reorganisacion lo wordo anuncia, Minister Geoffrey Wever a splica.