Pitbull lo duna show durante certamen di Miss Universe 2021

The content originally appeared on: Diario

ORANJESTAD (AAN): Aruba su representante pa Miss Universe 2021, esta Helen Hernandez ta preparando pa algun dia caba na Fort Lauderdale na Merca, pa e certamen di Miss Universe 2021, cu lo tuma lugar Diadomingo pa 8’or di anochi, na Hollywood California.


   Pa e certamen di e anochi aki, e cante Pitbull lo ta na cabez di e show.  Di e forma ey Pitbull lo duna e toque latino den e certamen.  E biaha aki Steve Harvey lo no ta anfitrion di e show, sino Mario Lopez y Olivia Culpo (Miss Universe 2012).

   Na CableTV di Aruba por mire na TNT (canal 20), tambe Telemundo (canal 61).

   Aruba su representante Helen Hernandez tabatin dos siman exitoso di preparacion na Florida, unda el a hasta wordo entrevista den shownan live na TV.  El a duna un bon presentacion na e anochi di Trahe Nacional teni Diaranson.

   DIARIO ta desea Helen tur clase di exito pa e certamen di Diadomingo anochi, na Seminole Hard Rock Hotel & Casino.