Paul DeWolfe, di Caribbean Mercantile Bank N.V a bira e director nobo di Aruba Bankers Association

The content originally appeared on: Diario

ORANJESTAD (AAN): Recientemente Aruba Bankers Association (ABA) ta elegi un directiva nobo y ta apunta e Presidente. E aña ki e termino ta cuminsa na 2022 te cu 2024.

            Durante di e reunion general cu a tuma lugar 21 di juni, 2022, Sharon Fränkel-de Cuba, Managing Director di Aruba Bank N.V a tuma su retiro como Presidente pa e termino 2020/2022 y a pasa esaki pa Paul DeWolfe, General Managing Director di Caribbean Mercantile Bank N.V., cu lo fungi como Presidente nobo di ABA pa e proximo dos (2) añanan.

            Sharon Fränkel-de Cuba a wordo apunta Vice Presidente di e associacion, Pierre Rafini, Vice President, Business Banking Dutch Caribbean and Country Manager, Aruba | RBC Royal Bank (Aruba), a wordo apunta como Tesorero di e associacion.

            E meta principal di e Aruba Bankers Association ta pa representa e interes di e banconan, contribuyendo na un desaroyo sano di e sector bancario y e economia di Aruba en general.

            Durante di e temporada dificil di crisis actual, ABA ta compromete su mes pa sigui traha na bienestar di nos comunidad y pa ta prepara pa duna conseho na instancianan gubernamental y no-gubernamental. 

            Specificamente pa sigui contribui na desaroyo di un economia sano, ABA lo sigui aporta pa nos comunidad ta bon informa ariba desaroyonan economico y financiero cu ta afecta nos comunidad.

Aruba Bankers Association ta gradici Sra. Fränkel-de Cuba, pa su contribucion durante di e ultimo dos (2) añanan y ta yama,Sr. Paul DeWolfe y Sr. Pierre Rafini bonbini den nan funcion nobo.