Pasahero registra riba vuelo di Surinam Airways a fayece den sala di espera

The content originally appeared on: Diario

ORANJESTAD (AAN):  Diaranson atardi, e empleadonan di Suriname Airways tabata cla pa cera e gate di abordahe, pero nan a check tur nan datonan y a sinti falta di un pasahero.

            A cuminsa yama via e sistema di comunicacion di aeropuerto pa asina wak si por a haya e pasahero cu tabata falta pa subi avion. A resulta cu a bin haya e pasahero, pero sin bida, sinta den sala di espera.

            Tin otro pasaheronan cu a wak un persona sinta cu parce a pega soño. Pero a bin constata cu tabata e mesun persona cu e empleadonan di e aerolinea tabata buscando pa subi avion.

            Segun informacion cu DIARIO a haya, e persona tabata tin alrededor di 1 ora morto sinta dilanti di e ‘gate’. E lo a haya atake di curason eynan mes y el a fayece.

            Informenan ta mustra cu autoridadnan di aeropuerto a atende rapido cu e situacion, pero ya no por a haci nada pa salba e bida di e pasahero. Polis a yama familiarnan aki na Aruba y no a haya contesta. Parce ningun hende no a worry. Lo ta trata akinan di famia aki na Aruba ya cu segun indicacion, e persona aki a yega di bishita Aruba caba.

            DIARIO no a dispone informacion si ta trata di  un personal local of un ciudadano di Surinam.

            Palabranan di condolencia