Parlamento tin un agenda completamente yen pa cumpli cu ne prome cu bay cu recess

The content originally appeared on: Diario

Presidente mr. Edgard Vrolijk ta relata:

ORANJESTAD (AAN) – Presidente di Parlamento mr. Edgard Vrolijk, den entrevista cu DIARIO a declara cu e agenda di Parlamento ta completamente yen.

Nan tabata tin un reunion tocante Geschillenregeling, y ya Curacao y Sint Maarten a bay caba na nan Comision Central, y nan ta wardando nan confirmacion. Prome cu recess nan mester caba cu e proceso aki pa mand’e pa gobierno Hulandes via Gobierno di Aruba p’e sigui encamina. Diamars tabata tin reunion publico pa e presupuesto supletorio, awe nan lo trata e tema di Ombudsman atrobe, pa finaliza e proceso, Diahuebs tin un reunion cu oposicion a pidi cu Minister Glenbert Croes y esaki lo wordo honra y lo atende cu ne tambe.

Diabierna lo tin Parlatino, y dia 8 di Juli lo tin un reunion cu Minister Ursell Arends, cual tambe ta pa peticion di oposicion. Si tur cos bay bon dia 9 di Juli lo ta den sala cu un OV pa locual ta Ombusdsman y Geschillenregeling. Y dia 10 di Juli ta cuminza cu recesion. Kiermen, nan ta hopi druk y terminando e ultimo peticionnan pa reunion y cumpliendo cu tur hende, sigur segun e maneho cu Edgard Vrolijk ta hibando pa tres aña caba como Presidente di Parlamento. Lo purba yega recesion sin ningun ley atrasa, aunke lo keda un cu no por a hinke den agenda, cu ta esun di camera, pero e lo wordo agenda ora recess pasa. Asina mr. Edgard Vrolijk a relata.