Pa un Aruba dushi pa Biba ta rekeri pa “gara e toro na su cacho”

Ursell Arends (RAIZ):

ORANJESTAD (AAN) -“Kiermen atende cu e aspectonan cu ta cabando cu e “One Happy Island” pa nos naturalesa, nos hendenan y e sector di turismo”.

Segin Ursell Arends, durante e ultimo decadanan hopi rapport a wordo traha cu ta indica cu Aruba a surpasa su capacidad di carga. “Pa complementa e rapportnan aki, manehonan a wordo crea prometiendo nos cambionan necesario pa nos logra un turismo sostenibel y alabes un maneho yama ‘high value – low impact’. Ta parse cu tur esakinan a keda solamente riba papel pasobra te cu awe, nos no a mira e cambionan cu e documentonan aki a propone”, Arends ta subraya.

E ta sigui splica cu e situacion cu nos isla ta enfrentando no ta “overtourism” pero mas bien “unbalanced tourism”, un turismo desbalansa. Un di e problemanan real cu nos beachnan ta‘overcrowded’ tin di haber cu e e crecemento drastico y desabalansa di turismo crusero y vacation rentals. E articulo aki ta dedica na elabora riba e crecemento descabeya di turismo crusero y su impacto riba nos bida diario.

“Si di berdad nos como pais kier trece nos turismo den balansa y logra crea e bida digno y armonioso pa nos comunidad y nos naturalesa, e ta rekeri pasonan concreto. Si nos cuminsa na atende cu e turismo crusero, nos lo dal e prome paso pa logra esaki. Durante e ultimo tres decadanan, nos pais a experiencia un crecemento di turismo

crusero di 230.26% cual ta representa un total di 676,847 turista crusero mas cu nos aricibi na 1995.

Pa 2026 ta proyecta un crecemento di minimo 1% di bishitante crusero cu ta bay pone cu Aruba lo surpasa 1 miyon bishitante crusero pa prome biaha den nos historia.

E cantidad di turista crusero halto aki ta locual ta pone presion inmenso riba nos

infrastructura diario. Ciudadanonan y bishitantenan ta experiencia cu Oranjestad su careteranan ta congestiona y awor hasta Watty Vos Boulevard ta sinti efecto di esaki ora tin 2 of tres barco den waf cu awendia ta algo comun ora mira e cruise schedule publica te cu juni 2026. Halando e problema di Oranjestad pa otro parti di Aruba, no ta

un solucion aceptable ni duradero”, Ursell Arends, ta remarca.