Ordenansa di Malesanan Contagioso ta anticua y momento a yega pa wordo cambia

admin

Jerry Staring:

ORANJESTAD(AAN): Waterpokken of bruela, ta un malesa contagioso, segun Jerry Staring kende ta director di Salubridad Publico. Dokternan tin cu meld e malesa na DVZ. Hopi biaha e no ta worde haci, pasobra e ta worde considera un malesa contagioso cu no tin hopi complicacion.

E ta trece hopi incomodidad pa e personanan cu ta haya bruela, pero e ta keda un malesa contagioso. Ta papiando di dos dia prome cu e blaasnan y te ora cu e blaasnan seca e ta contagioso.

Staring ta sigui splica cu e no ta hinca den e ley. E ta un Landsverordening Besmettelijke Ziekte, cu ta origina for di 1870. Durante añanan el a worde ahusta, pero ta bezig ta cambiando full e sistema di ley na Salubridad Publico y e Landsverordening Besmettlijke Ziekten ta bay worde cambia pa LV Infectieziekten.

Den e LV Infectieziekten no ta worde papia mas di malesanan na nan nomber, pero mas e gruponan. Esey ta bay ta mas duidelijk y no ta haya cu ora bin un malesa nobo cu no ta conoci ainda, e no por worde considera como un malesa contagioso. Den e caso por ehempel a worde confronta cu Ebola. Ebola mester a worde añadi den e ley, pasobra e no tabata hinca den e ley bieu.

Con ta midi e malesanan

Staring a sigui splica cu na momento cu un persona ta malo, e tin cu bay na su dokter di cas y e ta dicidi e regimen pa e persona por recupera mas pronto posibel. Hopi biaha ta haya peticion di personal cu tin yiu cu tin bruela. Tin varios dokter na Salubridad Publico pa pidi conseho pa cuanto dia ta recomendabel keda cas.

Basta aña ta hanteer cinco dia cu un mayor ta haya pa keda cas pa cuida su yiu. E ta keda un malesa contagioso, pero ta mas e incomodidad cu ta fastioso. E por tin su bijwerking, pero ta masha poco cu esey ta pasa. Salubridad ta hanteer cinco dia si no tin ningun otro indicacion.

 

Next Post

SVb awor tin link directo cu Registro Civil

ORANJESTAD   (AAN): SVb tin un link awor aki directo y live cu registro civil, segun director Edwin Jacobs. Esey ta yuda SVb den nan control cu cierto momento cu ta haci control regularmente riba pensionadonan si nan ta biba na Aruba of no y ta mira den registro civil cu manera constata […]