Na momento cu partido POR drenta gobierno Criminalidad lo haya un golpi duro

admin

Allan Howell POR:

ORANJESTAD(AAN)– E candidato di Por Sr. Allan Howell, den un comunicado a duna di conoce cu e prioridad nr. 1 di Partido POR ta pa yuda Cuerpo Policial trece e trankilidad y seguridad bek riba nos País.  Ken na Aruba lo no desea esey. Pueblo ta sclama pa un cambio den e maneho di Husticia.

Na momento cu Partido POR drenta gobierno, criminalidad lo haya un golpi super duro mes. Partido POR tin un team dinamico y cu hendenan sumamente capacita, caba pa hasi e diferencia y pa trece un paro na e criminalidad cu tin tur hende cansa y fada. Si nos mira e caranan cu ta subi  diferente lista cu intencion pa yuda combati criminalidad, nos tur por compronde con serio e situacion ta aki  na Aruba.

Alan ta confirma pueblo cu nos ta cla pa planta ordo y respet mane cu partido POR drenta gobierno. Nos lo percura pa duna Cuerpo Policial e miho ekiponan pa nan por cumpli cu nan trabao como debe ser y pa nan propio seguridad tambe. Mester remarca tambe cu si nos polisnan mes no ta safe con nan lo por soru pa mantene pueblo safe.

Drentamento di ilegalnan via di nos costanan tambe lo pasa pa pasado. Partido POR den gobierno lo tin nos polisnan bon arma y cu suficiente boto di polis ultra moderno pa cuida nos costanan. Nos lo percura pa tin un radar den funcion bek mas lihe cu ta posibel.  Pueblo si nos kier un cambio ban vota pa e cambio. Cu poder di pueblo y di Dios, pueblo  lo sinti y mira e cambio tan anhela.  “The small man for the people and the people for the small. Together we can make it better.”

Next Post

4 Morto y 3 gravemente herida den tiramento na Corsou

ORANJESTAD(AAN)– Informacion ricibi for di Corsou ta indica cu ayera anochi mas o menos 20 pasa di ocho, na Jamaicaweg na Buena Vista, un vehiculo KIA Sportage a yega na un cas unda tabata tin celebracion di cumpli aña di un morocho, y for di e vehiculo a dispara cu […]