Muchanan di St. Aloysiusschool cu tremendo presentacion final combina cu festival di cuminda

The content originally appeared on: Diario

ORANJESTAD (AAN):  Den fin di siman, e alumnonan di Klas 6 di scol basico St. Aloysiusschool a finaliza nan aña escolar, c’un exposicion, y a combina esaki cu un Festival di Cuminda, cu nan a haci na scol mes.

            Cabesante Vladimir de Cuba a duna mas splicacion di e idea aki cu a nace desde e di 3er trimester di e aña escolar.

            El a bisa cu e muchanan di klas 6 a culmina un parti di nan periodo na scol cu e expo y festival di cuminda. E planeamento a tuma lugar for di comienso di e di tres trimester. E gruponan a forma y nan mester a scoge un pais pa asina diseña un presentacion. 

            Meneer de Cuba a sigui bisa cu esaki tabata manera un ‘spreekbeurt’, pero den un proyecto di grupo, cu presentacion riba e pais di escogencia. Ora cu e informacion a keda cla, e gruponan a bay prepara un exposicion pa nan present’e na nan mayornan.

            Awo e proyecto aki a culmina cu e presentacion combina c’un presentacion chikito di cuminda. Entre e mayornan y e muchanan, a pone platonan tradicional di cada paisy esey e mayornan a pasa busca durante dia.

            E paisnan cu a wordo escogi pa haci e exposicion tabata Mexico, China, India, Republica Dominicana, Venezuela, Colombia y Italia. Tabata un total di 8 pais.

            De Cuba a bisa cu e parti di e presentacion a conta como puntonan. E presentacion mes, tabata algo pa publico.