Ministro Tjon a reuni cu Sindicato di Bombero pa loke ta presupuesto y maneho pa e ekipo

The content originally appeared on: Diario

ORANJESTAD (AAN): Diaranson mainta, Minister di Husticia y Asuntonan Social sr. Rocco Tjon a reuni cu e ekipo dinamico pa loke ta e Sindicato di Bombero (SINBA),

y a toca diferente tema, entre otro e comision cu a caba di worde instala y cu ta bay explora e introduccion di cierto procesonan nobo na Brandweer, manera traha 24 ora pa dia den un ‘vaste ploeg’.

   Tambe a toca un audit cu a worde haci pa asina wak con por mehora e diferente puntonan cu ta toca personal, material y mas.

   Manera ta conoci, a bin un aumento den e presupuesto pa Brandweer, cual ta bay brinda e posibilidad pa cumpra mas material pa e ekipo, entre otro un ladderwagen, cual ta algo cu nunca antes Aruba tabata tin, cual lo bay eleva e siguridad pa nos comunidad pero tambe pa nos bomberonan mes.

   Ademas di esaki, a papia tambe tocante e planes cu tin pa loke ta renobacion di post oscar, situa na aeropuerto, cual ta un proceso caminda ya caba e detayesnan ta kedando finalisa entre DOW, Brandweer y Sindicato di Brandweer, pa asina dentro di algun luna e trabaonan por inicia.

   Un reunion, sumamente positivo, y manera Ministerio di Husticia y Asuntonan Social a bin ta haci cu mayoria sindicato, un bes mas strucutal otro luna lo continua cu e reunionnan fructifero cu sindicato di bombero.