Ministro Thijsen a ricibi delegacion di IPKO cu a yega Hulanda

The content originally appeared on: Diario

ORANJESTAD (AAN): Informacion for di Den Haag ta indica cu un delegacion di Staten di Aruba a yega awe 22 di september Hulanda.

Minister Plenipotenciario Suplente mr. Ady Thijsen a encontra e grupo na aeropuerto Schiphol, hunto cu e presidente di Comision di Relacionnan di Reino di Tweede Kamer Mariëlle Paul,

   E parlamentarionan cu a yega Diahuebs ta e prome grupo di e delegacion di Aruba cu a bin pa asisti na e reunionnan di IPKO otro siman. E grupo a consisti di Presidente di Staten y lider di e delegacion di Aruba Edgard Vrolijk, Shailiny Tromp-Lee, Louisette Christiaans-Yarzagaray, Hendrik Tevreden y Raymicheline Raymond.

   Den e transcurso di e siman aki e resto di parlamentarionan lo yega Hulanda. Diabierna ta trata di Miguel Mansur y Gerlien Croes, mientras cu diasabra lo yega Hulanda Arthur Dowers, Rycond do Nascimento, Marisol Tromp. Alvin Molina y griffier di Staten Herman Hek.

   E potret ta cortesia di Arubahuis.