Ministro Geoffrey Wever a amplia riba topico Economia Circular

The content originally appeared on: Diario

ORANJESTAD (AAN): Biblioteca Nacional Aruba a organiza e di dies ‘Sustainable Education Symposium’ (SES).

   E titulo di e simposio di e aña aki tabata ‘Road to the Circular Economy’ cual a worde organiza hunto cu Aruba Circular Economy Foundation (ACEF).

   Diabierna 22 april tabatin e ‘Evening of lecturers’. Señor Manuel Maqueda di Harvard University, tabata orador internacional y señor Dylan Farro, analista statistico di Banco Central di Aruba, tabata orador nacional.

   Minister di Asunto Economico, Comunicacion y Desaroyo Sostenibel mr. Geoffrey Wever a duna un speech na e evento aki den cual Minister a yama danki na e organizadornan di e evento pa nan esfuersonan continuo den promove sostenibilidad y economia circular na Aruba y Minister a elabora riba economia circular bisando cu economia circular ta un modelo holistico  pa logra sostenibilidad y a haci un yamada na un y tur pa uni tras di e meta aki den cual ta haci uso di innovacionnan tecnologico, organizacional, cultural y financiero pa avansa e transicion na un modelo economico na Aruba cu ta sostenibel, circular, ‘self-reliant’ y incluso.