Ministro a bay felicita Nora Rodulfo cu su 80 aña

The content originally appeared on: Diario

ORANJESTAD (AAN): Net riba di dos Dia di Pasco, rondona pa famia- y amistadnan señora Nora Rodulfo a celebra engrande su 80 cumpleaños.

   E bunita recepcion a tuma luga na Centro di Bario Ayo. Minister Endy Croes tabata presente pa celebra e ocasion special aki cu Señora Nora.

   Mariachi Luz de Luna Aruba di Sr. Nelson Tromp a sorprende Señora Nora y a deleita tur esnan presente cu nan exitoso repertorio. Señora Norma a baila y gosa di su fiesta.

   Sigur un tremendo fiesta den union familiar yena cu hopi ambiente. Minister Endy Croes ta desea señora Nora Rodulfo hopi bendicion y hopi aña mas di bida y salud.