Ministerio Publico mustrando cu e investigacion di Caso Avestruz lo bay tin algun detencion mas cu ta bay cay

The content originally appeared on: Diario

ORANJESTAD (AAN): Den fin di siman, vocero di Ministerio Publico a confirma e noticia, cu e hefe di Domeinbeheer y despues tambe DIP,

esta e ex-funcionario Franklyn Abath di 68 aña di edad, a keda deteni, pa asina wordo interoga encuanto su envolvimento rond di e investigacion grandi di Caso Avestruz.

   Ministerio Publico a confirma e detencion di dje dor di LandsRecherche den e investigacion Avestruz.

   Desde 11 april cu a pasa, Landsrecherche a haci un total di seis detencion den cuadro di e investigacion di delitonan di corupcion posiblemente cometi y otro hechonan castigable relaciona cu otorgamento di terenonan di gobierno entre 2009 y 2017. Dos sospechoso ta deteni ainda.

   E expectativa ta cu e investigacion lo ta cla dentro di no mucho tempo y cu e proces-verbaal final lo wordo entrega na Ministerio Publico. Den e periodo venidero lo tin algun detencion mas.