Minister Endy Croes satisfecho cu a cuminza cu OAA, manera a palabra

The content originally appeared on: Diario

ORANJESTAD (AAN) – Minister di Enseñanza, señor Endy Croes, a yama un conferencia di prensa Diaranzon mainta, relaciona cu e tema di OAA (Openbaare Avondleergangen Aruba) y e leertraject.

Tabata presente tambe pa elabora riba e tema, señor Carlos Martinez, y señora Shinouska Albertus.

E dignatario a haci un introduccion y a splica cu den luna di Augustus, nan tabata den un conferencia di prensa, unda nan a compromete cu na September nan ta cuminza cu OAA y Leertraject y esey ta e caso tambe.

Carlos Martinez y Shinouska Albertus ta e profesionalnan cu ta trek e proyecto aki, y nan a papia al respecto y con leu esaki ta.

E mandatario a trata otro temanan, entre nan un acuerdo cu a firma na Bonaire pa restart e weganan interinsular, otro aña na Maart.

El a menciona tambe e werkconferentie cu a tuma lugar na Aruba y cu a conclui diaranzon, cu presencia di e Islanan di Curacao, Bonaire, Saba, St. Eustatius, Sin Maarten, Aruba y tambe Hulanda. E mandatario a duna un update di esaki. Tambe, el a referi na e instalacion di e Rector di Universidad di Aruba como profesor, cu ta prome biaha na Aruba cu esaki ta tuma lugar, y cu a duna un discurso hopi interesante.

Seguidamente, el a cede e palabra na señor Carlos Martinez, encarga pa habri OAA e aña aki.