Minister Endy Croes presente na apertura di campeonato di Futbol Division Honor pa aña 2022 – 2023

The content originally appeared on: Diario

ORANJESTAD (AAN): Diabierna ultimo Minister Endy Croes tabata presente na Compleho Deportivo Guillermo Prospero Trinidad

na Dakota pa apertura di campeonato di futbol 2022 -2023 di Division di Honor.

            E aña aki Arubaanse Voetbal Bond ta dedica e campeonato na cuatro baluarte cu a significa hopi y a dedica gran parti di nan bida na deporte di futbol: sr. Reynold ‘Nolly’ Becker, sr. Antonio ‘Tony’ Geerman, sr. Heinrich ‘Jerry’ Mackay y sr. Harold ‘Roy’ Helder.

            E mandatario di Deporte a gradicinan pa nan aporte na e deporte di futbol di Aruba. E prome partido di e campeonato tabata entre ekiponan di Britannia y Nacional. Un tremendo partido unda e publico por a gosa di un bon wega di futbol.

            E ultimo 10 minuut di e prome wega a tabata un suspenso. Nacional a gana e partido cu e score di 3-2. 

            Concluyendo Minister Endy Croes ta desea exito na tur ekipo participando como tambe na AVB den campeonato di futbol 2022 – 2023.