Minister di Turismo orguyoso cu certificacion di nos aeropuerto

admin

Minister di Turismo orguyoso cu certificacion di nos  aeropuerto2
Minister di Turismo orguyoso cu certificacion di nos  aeropuerto1

ORANJESTAD(AAN): Dialuna atardi Triple A. Aruba a ricibi e certificado di Aerodrome, cu ta indica cu  nos aeropuerto ta cumpli cu cierto rekisitonan internacional necesario pa operacion di un aeropuerto.

Durante un conferencia di prensa Minister di Turismo Otmar Oduber a duna un pabien na e profesionalnan di Aviacion Civil y di Aeropuerto di Aruba y e otro instancianan cu a contribui na henter e proceso pa loke ta trata e certificacion cu a wordo logra.

“Mi ta sinti hopi honor y mi ta sumamente orguyoso cu nos aeropuerto ta cumpli cu tratadonan cu nos mes a firma den pasado”.

Esaki segun Oduber, kende a sigui bisa cu Aruba pa chikito cu e ta, tin un profesionalismo y dedicacion di parti di aeropuerto pa percura pa aspectonan di seguridad ta na prome lugar.

“Entrega di e certificado ta testimonio di esaki”, segun e mandatario.

El a sigui bisa cu Departamento di Aviacion Civil ta forma un parti integral di e cooperacion cu mester tin den e keten cu tin pa loke ta aviacion na Aruba.

“No por keda sin menciona tambe IBSL cu ta percura tambe pa e plannan di seguridad wordo poni riba mesa y pa esakinan wordo aproba”.

“Na final ta Departamento di Aviacion Civil ta responsabel pa controla y certifica aeropuerto y naturalmente su operacion”, segun Minister di Turismo.

Next Post

48-team World Cup in 2026 could be a boost for North America's chances of hosting - Boston.com


Boston.com

48-team World Cup in 2026 could be a boost for North America's chances of hosting
Boston.com
“From a 2026 perspective, pick a number (of finalists) and North American can handle it,” Victor Montagliani, president of the North and Central America and Caribbean soccer confederation, said Tuesday in an interview. “A CONCACAF bid would be strong ...

and more »