Minister di Enseñanza ta garantisa cu schoolgeld di scolnan publico no ta bay subi

The content originally appeared on: Diario

Mandatario no tabata na altura di e decision di SKOA

ORANJESTAD (AAN) – Den conferencia di prensa di gobierno Diabierna mainta, a lanza pregunta pa Minister di Enseñanza Endy Croes, tocante e decision di SKOA di aumenta e schoolgeld, entrante aña escolar nobo. Asina SKOA a informa Parlamento, Diabierna mes.

            E suma nombra pa SKOA ta pa muchanan di scol basico y kleuterschool ta aumenta di 175 florin pa 535 florin, y pa alumnonan di MAVO di 250 florin pa 635 florin, cu no ta inclui loke mayornan ta paga pa airco na scol.

            E Minister a contesta cu e no a scucha esaki te awo den e conferencia di prensa, pero cu e ta bay duna atencion na e asunto aki. Minister tin reunionnan planea desde dia 15 di Maart, padilanti, y nan ta bezig tambe cu e situacion di westernan di SKOA, y esaki ta un tema cu lo mester a trata Diabierna aki mes den Conseho di Minister, segun e dignatario a duna di conoce.

            El a subraya cu nan ta pura pa trata e asunto di Westernan pa yega na un solucion. El a garantiza si cu schoolgeld di scolnan publico no ta bay subi!