Minister di Comunicacion hopi orguyoso di proyecto wifi pa scolnan

admin

Cu curazon di maestro:

ORANJESTAD (AAN) – Minister di Comunicacion y Transporte, señor Chris Romero, den conferencia di prensa di Gobierno Diahuebs, tambe a referi na e sistema nobo di wifi pa tur scol na Aruba, cual Acuerdo a keda firma ayera entre Gobierno y SETAR.

E dignatario a expresa cu e dia aki ta un cu cada un di tur presente ayera, den e sala di prensa, por ta orguyoso di dje.

El a subraya cu aunke e tabata tey como Titular di Comunicacion, tur hende sa cu di curazon e ta un docente. For di tempo cu el a drenta politica na aña 2005, semper el a trece dilanti cu un di e metodonan cu nan ta bay trece aden ta e sistema digital, cu ta e sistema cu, mundicalmente, nan ta canando den e direccion aki.

Como Minister di Comunicacion, aunke no di Enseñanza, tog e por ta parti den dje. El a felicita Prome Minister sra. Wever-Croes y Minister Lampe pa e logro aki, ya cu apenas e Gabinete aki a sinta un par di siman y ya por mira e cambionan cu nan a bin papia di dje y cu ta treciendo dilanti.

E mandatario a subraya cu un bez cu nan a tende di e proyecto aki, den Ministerraad, cada mandatario a bay unanimamente pro pa algo asina aki.

Minister Romero a indica cu nan tin un suma den enseñanza cu a resta y cu e ta kere cu mester wordo parti den parti igual den cada scol, y aunke berdad e suma a sobrepasa e suma cu a wordo presupuesta pa e proyecto aki, señor Roland Croes, director di SETAR sigur no a duda pa duna e extra financiamento pa apoya e proyecto. El a gradici sr. Croes pa e trabao cu el a haci den esaki.

Den e contexto di wifi cu ta bay ta den cada scol y cu lo bin cu un velocidad optimal, el a anuncia cu e wifi den Caya Betico Croes tambe ta funcionando aworaki.

Actualmente cada ken cu bay den Caya tin acceso na wifi awor. Esaki ta den e cuadro di trece un bida bek den Caya Betico Croes, unda cu cada un ciudadano por haci uso di dje akinan tambe.

Next Post

Gobierno hunto cu WEB Aruba NV lo traha hunto pa yega na un Aruba berdaderamente sostenible

ORANJESTAD (AAN): Diahuebs mainta Minister Chris Romero hunto cu Minister President, sra Evelyn Wever-Croes, a haci un bishita oficial na WEB Aruba NV. Aki e mandatarionan a haya un presentacion di e plan cu e planta di awa tin te cu 2021 y tambe a mira cu esaki ta cuadra […]