Minister Croes a reuni cu T.O.P.A. y a scucha e inkietudnan di e trahadornan di Lotto pa Deporte

The content originally appeared on: Diario

ORANJESTAD (AAN): Recientemente Minister Endy Croes a reuni cu presidente di sindicato  T.O.P.A., sr. René Bernabela, sr. Lino Hernandez  y ‘shop steward’ sr. Poy Flanegin.


            “E reunion a bay den un bon atmosfera, nos a scucha e inkietudnan di e trahadornan di Lotto pa Deporte”, e Mandatario a expresa.

            Minister Croes a sigui bisa cu desde 2009 tin ‘handboek’ firma ora e directiva anterior a baha lagando tur cos bon regla pa e empleadonan.   Sinembargo e directiva di 2010 – 2021 no a respeta esaki y a introduci un otro ‘handboek’ cu no tabata firma y no tabata na beneficio di e empleadonan.

            E gran disgusto wordo treci pa dilanti y Minister Croes a expresa cu e tin comprension y kier traha den bon relacion di awor pa futuro cu empleadonan di Lotto pa Deporte.

            T.O.P.A ta bay haci un ehercicio di e ‘handboeken’ cu tin actualmente y pronto lo presenta un concepto na Lotto pa Deporte pa inicia negociacion y yega na aprobacion.          Minister Endy Croes a expresa cu e lo duna sosten y apoyo na e lucha di e empleadonan.