Minister a bay mira con trabao di renobacion ta andando na St. Aloysius School

The content originally appeared on: Diario

ORANJESTAD (AAN): Recientemente Minister di Enseñanza a haci un bishita na St. Aloysius School na Noord.

   Na fin di luna di April  den un conferencia di prensa e mandatario a anuncia y presenta oficialmente e proyecto di renobacion di St. Aloysius School. 

   El a expresa cu por a tuma nota cu e proyecto ta avansando. E banda panort ta hopi avansa, e contratista ta trahando constantemente. Un total di diesdos klas lokaal ta wordo completamente renoba full moderniza. E otro banda di e scol a cambia full e dak y esaki tambe ta casi cla.

  “Nos por a mira cu e oficinanan y biblioteca ta den pleno renovacion. E bañonan a wordo aloca pa un otro luga y nan ta trahando caba riba esaki. Tambe lo bin un pos completamente nobo” Ministro Endy Croes a splica.

   Den e skina banda pabou lo bin e gymzaal. E mandatario a sigui bisa di ta hopi contento con e trabaonan ta bayendo, como tambe di por a papia cu esnan encarga y nan a splica cu nan ta trahando den e tempo stipula. Pa luna di November proximo e proyecto lo wordo entrega. E parti di e speelplaats  ora cu awa yobe semper e scol tabata tin problema cu e awa ta keda para den e luga.

   E mandatario a splica cu su persona tabata tin combersacion cu DOW, cu nan lo renoba e speelplaats completo. Lo traha e afvoer y lo conecta esaki riba un rooi. E mandatario a enfatiza cu ohala pa e aña aki, 2022,  St. Aloysius School por wordo entrega completamente renoba, moderniza na unda cu e docente y alumnonan por bin bek na nan cas original.

       Finalizando, e minister a expresa cu ta contento y ta keda monitor e renovacion pa asina por entrega pronto e bunita trabao.