Mester reconoce cu tin companianan cu ta bay sobrevivi y otronan cu no

The content originally appeared on: Diario

ORANJESTAD (AAN):  Minister Glenbert Croes a duna di conoce diamars durante e conferencia di prensa extraordinario


cu pa loke ta e paramento di e subsidio di salario, Minister di Finansas Xiomara Maduro lo ta esun cu lo duna mas detaye y lo ta anunciando esaki.

Pero mirando e hecho cu Aruba no ta hayando sosten di likides di Hulanda, e realidad ta cu e subsidio di salario ta depende di e sosten di likides di Hulanda, e mandatario a enfatisa.

FASE ta depende di e sacrificio di e trahador di gobierno y tambe di e sectornan semi-publico. “Premirando esey como Minister di Labor, nos mester reconoce cu tin companianan cu ta bay sobrevivi, pasobra nan ta probechando di e recuperacion, pero tin compania cu no ta bay sobrevivi”.

El a agrega cu tin hende cu ta bay preserva nan trabao y tin hende tambe cu ta bay perde nan trabao. Pa nan tambe ‘Aruba kier Traha’ ta traha y nan por wordo atendi y brinda e servicio, e asistencia y e guia pa por pone nan bek na trabao, a bisa.

E mesun intensidad cu cual a traha cu FASE ta bay traha pa pone tur hende bek na trabao, Minister Croes a enfatisa.

Tin hende cu a perde trabao cu ta bay haya cursonan, pero tambe na pia di trabao, tin personanan cu lo haya cursonan y pesey mester e coordinacion cu e dunador di trabao, sindicato, e propio trahadornan y e rol di gobierno pa medio di e plataforma ‘Aruba kier Traha” ta bay ta fundamental.