Mercancia local y e prijs di petroleo riba pista di baile

The content originally appeared on: Diario

Fluctuacion di prijs di petroleo cu resultadonan cu ta keda scondi


Articulonan no ta wordo bende na momento di importacion
Prijs di petroleo ta baha y inversion den cambio di clima ta subi 

ORANJESTAD (AAN) Uno di e factornan cu na 2024 sigur merece mas atencion ta e impacto cu prijs di petroleo tin pa hopi resultado di prijs sigur pa comerciantenan mas chikito.

   Na momento cu prijs di petroleo baha, ya tin grito di alegria cu otro prijsnan tambe lo baha pasobra entre otro awa y electricdad ta baha.

  Den cierto sentido e hecho cu prijs di awa y coriente ta baha, sigur tin resultado pa prijs pero na mes momento cu e prijs di petroleo baha na e mercadonan internacional.

No ta sin mas e petroleo crudo cu ta baha den prijs ta alcansa e companianan cu mester bende nan productonan y den e situacion actual, na un momento di incertidumbre mundial, mester ta sumamente cauteloso pa nan esfuersonan no bira perdida.

Na e momentonan aki prijs di petroleo ta keda den vecindario di 80 Dollar pa decisionnan cu ta wordo tuma na entre otro Merca.

Tin motibo di maneho di paisnan pa contribui na e aumento y caida di prijsnan cu na 2024 lo conoce momentonan di mas suspenso, debi cu 2024 manera DIARIO adverti, ta bira sumamente dificil ya cu ta contene transicion riba tur tereno.

Produccion di articulonan lo conoce cambio grandi ya cu no ta solamente azeta, pero por ehempel e crecemento riba tereno di Inteligencia Artificial lo hunga un papel mas pronuncia den produccion.

Aruba ta un pais di importacio n y prome cu e producto alcansa Aruba e ta pasa den un proceso cu ta tuma basta tempo, mientras cu mester tene cuenta tambe cu e periodonan den cual ta dicidi pa prijsnan y e momento cu nan ta drenta na vigor of ta bira di importancia pa un pais.

DIARIO riba tur tereno lo informa Aruba di e transicionna cu ta tuma lugar na 2024 y cu lo afecta prijs.

Sigur mester tene cuenta cu reglanan nobo pa loke ta trata clima, cu lo afecta transporte cu mester haci cambio na nan medionan di transportacion.

Inversionnan nobo mester wordo haci pa cumpli cu reglanan nobo di clima, manera na hopi ocasion a trece dilanti pa informa Aruba debidamente den un tempo cu no por crea pensamentonan falso, cu por afecta comportacion y exigencianan publico y causa resultado indesea riba termino mas largo…