Maximum Torque ta celebra spantenbier di nan Auto Lab

admin


ORANJESTAD  (AAN): Maximum Torque, un partnership di e conocido architect Dan Oduber y Denise Lovera-Oduber conhuntamente cu Alex Lovera, tabata tin e placer di a celebra e spantenbier di nan ultimo proyecto cual ta Auto Lab situa banda di Orange Plaza. Durante e evento tabata tin diferente bankero, staff y personal y tambe e team di construction di un compania Hulandes Thinking Steel.

Alex Lovera a expresa su satisfaction enorme cu con lihe nan a yega e punta mas halto di e edificio den 8 dia despues cu e fundacion di e structura a keda cla. Ora cu e edificio ta cla, Manager Marilyn Hassel lo ta encarga cu Auto Lab y diferente otro servicio cu lo tin pa ofrece. E enfoke principal di e proyecto aki lo ta un car wash unico y na mes momento lo ofrece un surtido amplio di servicionan pa auto.

Tur hende envolvi den e proyecto ta hopi contento cu e vision y potential di e proyecto aki di e grupo cu ta alavez encarga cu e maneho di Paseo Herencia.

E edificio ta proyecta di ta keda cla pa Maart 2018 y pa mas informacion por tuma contacto cu oficina di Maximum Torque cu ta ubica na Paseo Herencia.

Next Post

Formador Evelyn Wever-Croes a tene su prome briefing cu Gobernador

ORANJESTAD  (AAN): Evelyn Wever-Croes, diabierna prome cu merdia, a haci su prome bishita como formador na gobernador. Na salida el a splica un tiki riba e bishita. El a comenta cu siman pasa cu el a ricibi e instruccion di formacion, e formatie opdracht for di Gobernador, a palabra cu […]