Manuel Rosales a regresa Venezuela pa entrega su mes

admin

manuel_rosalesORANJESTAD (AAN): Di trempan caba na Venezuela a haya sa, cu despues di a biba varios aña den exilio, cu e ex-alcalde di Maracaibo, y alavez lider di partido Un Nuevo Tiempo, Manuel Rosales, lo regresa.

Di trempan caba a prepara extra militar na Aeropuerto na Maracaibo pa asina spera riba su yegada.

El a yega abordo di un avion procedente di Aruba, y despues cu militarnan y tambe Guardia Nacional Bolivariana a rondona e aparato, el a ser deteni despues di baha di e trapi.

Manuel Antonio Rosales Guerrero di 63 aña di edad, tabata ex-Gobernador di Zulia tambe.  Ora di su detencion tabata presente un Fiscal, como tambe un medico forense.  Rosales a entrega su mes voluntariamente na autoridad, debi cu tin un orden di detencion contra dje.

Mas atardi a haya sa cu Manuel Rosales a wordo hiba pa e sede di Sebin cu ta keda na Caracas.

Riba e vuelo tabatin tambe cune su amigo, Concejal di municipio Chacao, esta Diego Scharifke, kende ta alavez miembro di Partido Un Nuevo Tiempo.

 

Next Post

Relato financiero di Caiso and Soca Monarch entrega na Minister Otmar Oduber

ORANJESTAD (AAN): Diahuebs mainta Presidente di Stichting MUSICA Sr. Clyde Burke, a haci entrega oficial na Minister Otmar Oduber di e relato financiero di un di e eventonan musical principal durante temporada di Carnaval e aña aki, cual ta Caiso and Soca Monarch 2015. Segun palabracion MUSICA lo mester presenta […]