Manuel a gana 12.500 Florin cu wega di Zodiac

The content originally appeared on: Diario

ORANJESTAD (AAN): Un di e weganan di mas popular di Lotto ta sigui di ta Zodiac.  Bo ta djis escoge un number consistiendo di cuatro cifra, y agrega un signo di zodiaco y bo ta cla.


   Esey ta exactamente loke Manuel a haci, y el a gana tambe!  Pesey riba Dialuna el a presenta na oficina di Lotto pa reclama su premio.

   Despues di a revisa su ticket y check cu el a pone su firma riba e papel, nan a scan e barcode.  E computer inmediatamente a indica cu Manuel a gana e suma di 12.500 Florin cu e wega di Zodiac.

   Di e forma ey a cuminza cu e proceso pa transferi e premio electronicamente pa su cuenta di banco.  Manuel a indica cu e ticket ganador a wordo cumpra na Jenny’s Lottery.