Mainta trempan a detene consehero di Ministro Paul Croes

admin

Caso IBIS ta sigui

ORANJESTAD (AAN): Ministerio Publico a confirma cu Dialuna mainta trempan, autoridad hudicial a detene un persona mas den e caso di IBIS.

Ministerio Publico a confirma cu a detene e homber E.G.C., y el a wordo identifica door di prensa como Giovanni Capriles, un di e coordinadornan mas importante di Ministro Paul Croes.

Segun Ministerio Publico, Capriles ta wordo sospecha di labamento di placa y complicidad na soborno.   E sospechoso ta wordo mira awor como e sospechoso principal, y e ta forma parti tambe di un Fundacion di e Ministro mes cu e ta usa pa maneha fondonan pa campaña electoral, esta “Stichting Leadership and Excellence”.

Ministerio Publico ademas a agrega cu nan a tene un razzia y entrada hudicial na un otro adres, relaciona cu buskeda di mas prueba escencial pa asina e caso IBIS por sigui su caminda.

 

Next Post

Presonan tambe tin derecho den KIA

ORANJESTAD(AAN): Esnan encarcela den Prison di KIA, sa cu tin diferente manera cu nan por haya e oido cu nan kier. E por tanto na leiding como organizacion KIA, pero e por tambe externo, na Commissie van Toezicht. Si nan tin un keho nan por haci esaki na Commissie van […]