Lo atende na IPKO e aspecto di RAft cu ta mina Aruba su autoridad

The content originally appeared on: Diario

ORANJESTAD (AAN): Parlamentario Marco Berlis a indica cu na e reunion di IPKO na St. Maarten,

fraccion di MEP a prepara hopi pa locual ta e leynan di consenso COHO y RAft, y special esun di RAft unda nan a constata cu tin diferente articulo cu ta mina e autoridad di Parlamento di Aruba.

   Den cuadro di esaki, Berlis a bisa, cu tur e fraccionnan di Parlamento di Aruba a bin hunto den reunion y nan a vocifera diferente preocupacion cu nan tin, y tambe si nan por a haya un “common ground” pa asina ey por sali hunto y papia tambe cu e delegacion di Hulanda tocante e puntonan aki, pa asina wak kico por wordo negocia ainda, pa por bin cambionan.

   Nan ta sinti como parlamento, cu cambionan mester bin pa Aruba su democracia por keda funciona debidamente, y e pais su autonomia  no wordo mina, manera aworaki e ta mustra den RAft, cu e ta afecta Aruba grandemente.