KvK a tene su evento Business Plaza Get Started den Distrito San Nicolas

The content originally appeared on: Diario

ORANJESTAD (AAN) – Na Kulture Café, na San Nicolas a tuma lugar e evento Business Plaza Get Started,

cu ta un evento basta conoci y popular, organiza pa Camara di Comercio y Industria di Aruba (KvK), desde aña 2012, y cu ta tuma lugar dos biaha pa aña.

            Señora de Freitas Sousa, Hefe di Business Information & Support, a comenta den entrevista cu DIARIO, el a splica cu tin un edicion pa personanan cu kier habri un negoshi y otro edicion pa esnan cu ta estableci caba of kizas kier cambia di forma legal pa un eemanszaak of of VBA, cu kier informacion con pa haci negoshi den exterior. Kiermen, nan tin un edicion specialmente traha pa cada “target group”.

            E biaha aki KvK kier a haci algo na Distrito di San Nicolas, cu e meta di promove un poco mas e area aki.

Varios orado a hiba palabra durante e evento aki, manera Martijn Balkenstein, director di KvK, Minister di Economia, Desaroyo Sostenible y Comunicacion Geoffrey Wever, Chris Roos, Shamila Williams, Rocio Burgos, Mellorate Branding Boutique, Gilmar Croes, Monarch CPALLC, y Nadine Antersijn, Momax Training & More.

            A enfoca riba e tema di Marketing for Starters, basicamente informacion pa principiantenan, con pa nan cuminza nan negoshi, tambe a papia tocante impuesto, cu ta di suma importancia pa sa con pa deal cu esaki, tambe a elabora tocante “Customer Service” cu ta algo cu no por faya riba dje, y dos orado a comparti nan experiencia.