Kico Fondo Monetario Internacional ta pensa di CAFT?

The content originally appeared on: Diario

Crea debe ta mas facil cu paga debe den tempo di crisis mundial

ORANJESTAD (AAN) — Na e momento cu e guera di Ukraine a start tur organisacion mundial cu ta duna asistencia na paisnan rond mundo, a cuminsa emiti nan advertencianan pa loke por a spera.

Cu guera di Ukraine lo a produci hamber y miseria, ta algo cu tabata cu mester a spera den e advertencianan di Fondo Monetario Internacional, cu a mustra cu sigur paisnan chikito, sin recurso natural propio y cu debe nacional por a spera problema social serio.

Aruba na tur forma tabata clasifica na 2022 pa e advertencia cu IMF a emiti y den cual el a papia di un aumento enorme di pobresa si no por a yega na medidanan special.

Cu CAFT ta lucha pa un Aruba cu por para financieramente riba su pia, ta algo cu e mester haci.

Pero e milagro aki por tuma lugar di un dia pa otro den un crisis mundial?

Ora nos lesa e resumen di e presentacion di CAFT despues di e pandemia COVID-19 riba e situacion actual na Aruba, por lesa claramente con CAFT mes ta splica cu ta den tempo di hopi entrada y den tempo di menos entrada, no a hiba un bon gobernacion financiero.

CAFT mes ta reconoce cu e problema financiero cu Aruba tin actualmente no ta algo cu a wordo crea awor, pero ta algo cu a tuma su tempo pa desaroya sigur ora Hulanda a cera wowo durante e temporada cu e situacion financiero di Aruba a wordo destrui.

Awe mester tuma medida den tempo di un crisis mundial. Awor kico Gobierno mester haci? Con den un tempo cu segun Internacional Monetary Fund, hamber ta yena mundo, Aruba ta bay soluciona e problema cu Hulanda mes a permiti pa desaroya for di 2009?

Talbez ta bon pa Aruba puntra International Monetary Fund kico e mester haci cu e exigencianan di CAFT, cu realmente na nos parecer tambe ta un storia interesante.

Con Gobierno di Aruba mester stop di cubri asuntonan importante? Con e por scrap loke mester pasa na e pais y con e por produci un suma di belasting enorme di un Pueblo cu den un crisis mundial ta na careda?

Na Hulanda, pueblo ta grita pa e situacion social cu a presenta. Awor den e situacion aki mester aumenta e peso riba Pueblo di Aruba?

Lo ta sumamente interesante pa haya sa kico International Monetary Fund ta pensa di CAFT, cu kier produci hustamente e tipo di problemanan social pa cual IMF ta adverti despues di Pandemia y e Guera di Ukraine cu a complimenta e desastre financiero mundial!