Kevin a gana 25 mil cu wega di Zodiac

The content originally appeared on: Diario

ORANJESTAD (AAN): Na momento cu Kevin a bay pa cumpra su numbernan pa sorteo di Zodiac, el a dicidi usa numbernan relaciona cu su edad.

   El a bira hopi feliz pa nota cu el a gana!  Pesey riba Diamars el a acudi na oficina di Lotto na Playa pa reclama su premio.  Aki el a duna e funcionarionan di Lotto su ticket cu tin su firma poni patras, y tambe numbernan di banco.

   Ora cu a scan e barcode den e computer, esaki a confirma cu Kevin a gana 25.000 Florin cu e wega di Zodiac.

   Mesora a start e proceso pa transferi e premio electronicamente pa su cuenta di banco.  Kevin a bisa cu e ticket ganador mes el a cumpra na Bo Skina di Suerte.