Kerki Protestant na Playa cumpliendo 200 aña di existencia, y awo e ta habri pa turista y localnan

The content originally appeared on: Diario

Yvonne Kromhout ta splica:

ORANJESTAD (AAN)—Den conferencia di prensa relaciona cu celebracion di 200 aña di Kerki Protestant na Playa, señora Yvonne Kromhout, Relacionista Publico, a hiba palabra.

Señora Kromhoudt a introduci Pastor Peter Hazenoot ken tin cuater luna na Aruba. El a bin un par di biaha pa yuda e Kerki pero awo a bin pa keda un tempo mas largo.

“Nos ta haci e conferencia di prensa aki special, pasobra e tin 200 aña di protestantismo na Aruba. E Misa aki, ta 200 aña bieu, y nos sa cu hopi Arubiano no sa di e Misa aki, pasobra nos a habri’e aworaki pa turismo, y hopi Arubiano ta drenta y ta puntra ki sorto di kerki e ta.

Mi a haya un par di mucha di EPB cu a bin pa un proyecto; nan a saca potret pero nan no tabata sa nada di e Misa. Pues, mi ta kere cu ta hopi importante pa nos Arubiano sa, kico nos tin. Esey pa mi ta importante, y nos a habri e misa aki atrobe, special pa turista y local. Nos tin un Museum di Bijbel aki’tras cu mi ta kere ta importante pa e Arubianonan bishita e lugar aki  ”, e dama a relata.

El a agrega cu esaki ta e di dos edificio na Aruba. Toren Willem III, ta e prome. No tabata tin otro ‘gebouw’ e tempo aya na Playa.

galleryKerki Protestant na Playa cumpliendo 200 anja di existencia, y awo e ta habri pa turista y localnan/gallery