Jhon tambe a gana cu e resultado di 6666 pa Zodiac

The content originally appeared on: Diario

ORANJESTAD (AAN): Tabatin varios persona cu Diabierna anochi a gana cu e sorteo di Zodiac, cu tabatin e number 6666 y signo Leo como resultado final.

    DIARIO a bin haya sa cu un otro ganador a resulta Jhon, kende a acudi Dialuna na oficina di Lotto na Playa pa reclama su premio.  El a mustra nan su ticket, cu mesora a wordo revisa si el a pone su firma banda patras, incluyendo su number di cuenta di banco.

   E computer inmediatamente a indica cu Jhon a gana 25.000 Florin cu e wega di Zodiac.

   Mesora a cuminza cu e proceso pa transferi e premio electronicamente pa su cuenta di banco.  Jhon a indica cu e ticket ganador el a cumpra na Meiveld Lucky Lottery.