Jefry a gana jackpot di Lotto di Dia di Diadomingo

The content originally appeared on: Diario

ORANJESTAD (AAN): E tabata un dia di suerte pa Jefry!  Riba Diadomingo el a cumpra su numbernan vast pa e sorteo di Lotto di Dia.

   Atardi ora cu e numbernan a hunga, a sali 05, 12, 20, 24, y 26.

   Esey ta exactamente e numbernan cu Jefry tabatin pa e wega!  Pesey mes riba Dialuna el a acudi na oficina di Lotto na Playa pa reclama su premio.  Despues di a revisa su ticket pa check si el a pone su firma parti patras, a scan e barcode.  E computer inmediatamente a indica cu Jefry a gana e jackpot di 71.000 Florin di Lotto di Dia.

   Mesora a sigui cu e proceso pa transferi e premio electronicamente pa su cuenta di banco.  Jefry a indica cu e ticket ganador mes el a cumpra na Lucky Numbers.