Invitacion pa participa na e di dos ‘Kidpreneur$ Bazaar’ pa aña 2023

The content originally appeared on: Diario

ORANJESTAD (AAN):  Minister Geoffrey Wever, Ministerio di Asuntonan Economico, Comunicacion y Desaroyo Sostenibel conhuntamente cu Iniciativa pa Desaroyo di Empresa Arubano (IDEA)

ubica den oficina di Departamento di Asuntonan Economico, Comercio y Industria (DEZHI) ta organisando pa di dos biaha e aña aki un ‘Kidpreneur$ Bazaar 2023’.

            E evento aki lo tuma luga den Caya Grandi di Oranjestad riba Plaza Daniel Leo (pabou di Zara), diasabra awo, 16 december di 4 pm pa 6 pm.

            Si acaso bo yiu ta entre e edad di 9 pa 17 aña y ta desea di bende su productonan manera, pintura, arte, mata di fruta, berdura, yerba pa sasona/pa remedi, bolo, koeki, cos dushi, jus natural of otro articulo creativo, por tuma contacto cu nos na IDEA.

            E dia aki e muchanan lo uni y nan lo bende nan productonan na pueblo di Aruba, y alabes nan lo mantene e ganashi pa nan mes.

            Durante e bazaar e muchanan/ hobennan lo haya e oportunidad di ta un ‘Kidpreneur’ pa 1 dia, locual lo yuda nan reconoce oportunidadnan comercial.

            E anochi aki lo bay tin shopping night y banda musical y tambe un y tur lo por disfruta di e luznan di pasco y e kerstboom grandi, tanten cu bo persona ta haya oportunidad pa ‘Cumpra Local’ den Caya grandi di Oranjestad.  Tambe lo tin Dino Jump, cotton candy y mucho mas pa e muchanan.

            Tin solamente un paar di luga a resta, pues tuma contacto cu nos awe mes pa inscribi e yiu.

            IDEA ta desea cada entrepreneur hopi exito, nos ta warda bo!!

            Participacion ta completamente gratis, lo tin mesa y stoel disponibel.