Intencion pa habri caya grandi pa auto anochi

admin

ORANJESTAD(AAN)– Un di e intencionnan di gobierno ta pa habri caya grandi pa trafico di auto den oranan di anochi. Esaki prome ministro a informa ayera den un conferencia di prensa. Tambe a wordo treci dilanti cu ta bay instala WiFi den henter centro di ciudad.

SETAR ta trahando riba esaki y ya cu e infrastructura t’ey caba, e servicio aki ta bay bira un realidad hopi lihe. Loke sigur tambe ta bay yuda cu e sistema di WiFi ta e matanan solar. Un ya ta full instala caba y e dos otronan ta den preparacion pa keda instala.

DOW ta bay dorna henter caya Betico Croes cu adornonan di Pasco cu hopi iluminacion cu ta bay duna e luga un realce y un ofrece un panorama fantastico den oranan di anochi. Un otro punto cu ta pensando riba dje ta pa habri caya grandi pa laga autonan core anochi. Esey ta ainda den deliberacion.

Un otro punto ta cu artistanan lo duna presentacionnan musical pa deleita e publico cu ta haciendo compras. Pa esaki ta construi un podium unda e artistanan por presenta. LVV ta bay tene mercado manera cu tin actualmente na Sta. Rosa riba base regular. Asina ta cu e preparacionnan ta den full swing .

Next Post

TRUMP a sorprende !!!

ORANJESTAD(AAN)—Den den oranan di madruga awe mundo occidental a keda lanta pa haya sa resultado oficial di eleccion na Merca  ayera. For di 12 or mey  anochi, e especativa  tabata cu Donald Trump ta mihor para pa logra e presidencia, a pesar cu e element di sorpresa pa kibra e […]