Informacion ta central pa loke ta crecemento y demanda pa futuro di studiante

admin

ORANJESTAD  (AAN): Segun Minister Michelle Hooyboer-Winklaar, e crecemento y demanda pa futuro  ta depende e informacion cu nan a ricibi for di instancianan manera CBS, manera Directie Onderwijs, cu ta purba di premira y haci un analisis riba kico y cuanto ta sperando.

Te cu awor, si compara e cifranan di aña 2016/2017, e aña escolar cu a caba di termina, por mira un reduccion chikito di e cantidad di studiantenan, compara cu por ehempel 5 pa 6 aña pasa. Loke nos por mira den e ultimo 5 aña y kisas mas largo, ta basta stabil. Un stabilidad den cantidad di studiante.

Aki aya, kisas un 20, 50, kisas ta bolbe baha. No ta mira, of te cu awo, mirando un crecemento cu loke tin ta scucha, cu no tin kisas un crecemento explosivo. No ta mira esey den e cifranan. Esey ta e unico cos cu por guia e ministerio.

Si mira e poblacion cu CBS mes ta duna den nan estadisticanan cu nan ta publica cada kwartaal. Compara cu kwartaalnan den pasado, compara cu e aña anterior, por mira tambe cu esey tambe ta kedando bastante stabil. Ta algo cu obviamente mester keda monitoria.

No por bisa cu simplemente e ta ok. Claro cu no ta mira cu lo por, atrobe a base di rumor, of un pensamento, sin un cifra cu ta back up esaki, a cuminsa crea diferente tipo di expansion of diferente tipo di solucionnan cu un problema cu kisas no ta exactamente loke ta wordo treci padilanti.

Esey ta algo cu mester sigui laga e departamentonan concerni analisa y mira kico kisas lo por premira den e siguiente aña escolar, pa mira unda y precies ta mira e crecemento aki y kico ta e solucion mas factibel y eficiente pa esaki, segun Michelle Hooyboer-Winklaar.

 

 

Next Post

Ladronnan a bay cu caha y 350 florin di negoshi na Cumana

ORANJESTAD (AAN): — Varios unidad di Polis a bay pura na Cumana caminda tin ladronicia tumando lugar. Ora cu Polis a yega a topa cu e lugar kibra. Tabata tin hasta un patruya di seguridad presente.  E rolluik a wordo kibra of corta y asina a logra kibra e entrada […]