Importacion/benta di articulonan di marca falsifica ta un hecho castigabel

The content originally appeared on: Diario

Ministerio Publico ta remarca:

ORANJESTAD (AAN): Relaciona cu noticianan cu ta saliendo den media ultimamente, Ministerio Publico y Departamento di Aduana di Aruba ta haya importante pa enfatiza cu importacion/benta y ofrece na venta of tin den stock di articulonan di marca falsifica ta un hecho castigable cu por wordo castiga cu prison.

            Si en berdad resulta cu ta trata di articulonan di marca falsifica, e articulonan aki – si ta necesario despues di permiso di un huez- lo wordo destrui y e personanan cu a haci nan mes culpable na importacion di e articulonan aki, lo wordo persigui.

            No ta exclui cu den futuro lo actua tambe contra personanan cu ofrece productonan di marca falsifica na benta na Aruba.