Hubilario special na Office Systems

admin

Hubilario special na Office SystemsORANJESTAD (AAN): Recientemente Sra Ingrid Maduro a recorda 25 aña den servicio na Office Systems Aruba. Esaki a worde celebra hunto cu tur su coleganan di trabao.

   A recorda con Ingrid a cuminsa traha for di tempo Office Systems Aruba tabata situa na L.G. Smith Boulevard den edificio di Cempro. Ingrid a muda hunto cu e compania pa Engelandstraat y despues pa nan propio edificio na Frankrijkstraat.

   Director Sr. Carlos Maduro a menciona cu Sra Ingrid semper a traha den sales y como tal e conoce tur cliente cu drenta tienda. E ta e cara di Office Systems y tur hende conoce tambe.  Sra Ingrid por worde considera un di e palancanan di Office Systems Aruba. Su experiencia y conocemento di tur loke ta acesorionan pa oficina ta immensamente grandi y di hopi valor.

   Un gradicimento grandi a bay pa Sra Ingrid pa tur su añanan di lealtad y compromiso cu Office Systems Aruba. Fuera di e acustumbrado envelop Sra Ingrid a ricibi varios otro regalo.

Next Post

Mapanan di proyecto di hotel banda di aeropuerto a worde entrega

ORANJESTAD(AAN): E mapanan di proyecto di hotel banda di aeropuerto a worde entrega na DOW y tambe a worde manda pa brandweer. Brandweer a duna su conseho riba dje y naturalmente door cu ta hopi cerca di aeropuerto, tin un otro aspecto cu ta hunga un rol, cual ta e […]