Hopi adulto mayor a participa den e asina yama ‘Biba Bida Expo’ di Cruz Cora

The content originally appeared on: Diario

ORANJESTAD (AAN):  Indra Pereira, representante di Mercadeo y Eventonan di Cruz Cora como tambe Project Manager di Biba Bida a splica cu esaki ta un proyecto na honor di e grandinan.


Cruz Cora cu pa hopi aña ta bin cu nan programa pa hende grandi cu ta Biba Bida, tur aña ta refleha riba 1 di October cu ta Dia di Hende Grandi y ta organisa un bunita actividad pa nan.

Algun aña pasa tabata tin un fiesta bailabel merdia pa atardi den ballroom unda e grandinan tabata gosa, Pereira a señala.

Den otro ocasionnan a haci workshops cu diferente tematica tanto educativo como recreacional pa nan socialisa cu otro. Den pasado a organisa charlanan cu apotheeker riba con pa anda cu remedinan adecuadamente, a bisa.

Durante Covid-19, a adapta e manera di traha masha hopi mes den e programa aki ya cu hopi hende tabata na cas pa proteha e grandinan. E momento aki a lanta un sistema unda e boluntarionan tabata tin asigna un of mas hende grandi y semanalmente tabata tuma contacto cu nan pa wak con ta bay. combersa un tiki.

Tres biaha durante e aña tabata bishita nan na cas, pero siguiendo tur protocl, a remarca.

Ora cu e situacion a cuminsa mehora, un di e deseonan cu tabata tin pa e programa tabata organisa un expo informativo. Asina a cuminsa planea e ‘Biba Bida Expo’ hopi luna pasa y e tabata inicialmente pa luna di Augustus. Despues e cantidad di casonan di Covid-19 a subi, a pospon’e pa 1 di October.

Segun Indra Pereira, a haci algun cambio toch pa evita hopi trafico di hende.

A pone tres sala disponibel pa 15 hende, cada un cu nan stulnan manteniendo distancia. A opta pa toca topiconan diferente manera reuma, cancer, hospice, prepara pa e ‘older age’, cuido di hende grandi y matanan local medicinal.

E evento ‘Biba Bida Expo a resulta un exito. El a tuma lugar diasabra ultimo na Aruba Surfside.