Hoben arubiano a fayece di forma inespera na Merca

admin

ORANJESTAD     (AAN):   E hoben Wayne Sewell di 26 aña di edad, biba na Aruba pero di bishita cerca su ruman muhe pa e ultimo simannan na Merca, diadomingo anochi a dicidi riba su mes di no kier sigui biba mas. Su mayornan na Aruba a keda inconsolabel atras. Un lucha di algun aña contra adiccion di droga, a bin caba di e forma mas penoso pa su famia.

Pa algun aña caba e hoben tin problema serio cu adiccion pa cual su famia y amigonan ta haciendo tur lo posibel pa yud’e surpasa e reto aki. No ta algo facil y no ta un asunto cu ta regla den un solo intento. E biaha aki el a bay cerca su ruman muhe na Merca, pa dune sosten y guia den e proceso di rehabilitacion.

Dado momento el a yama su mama den fin di siman pa e bin mesora cerca dje. E mama a check vuelo pero dor di e fin di siman ocupa di Pasco Grandi, no a logra haya pasashi y a haya pa biaha diamars.

Sinembargo, diadomingo anochi, na momento cu henter famia a bay baña pa tene nan cena di Pasco Grandi na cas, a bin topa cu e tristo realidad cu Wayne a scoge pa no come cu nan y pa no ta cu nos na mundo mas tampoco.

Na su famia, ta bay nos palabranan di mas profundo condolencia y cu nos bon Dios por brinda boso hopi forsa y consuelo den e dianan di tristeza aki. Cu Wayne sosega na paz.

 

Next Post

Teochi Croes, conoci den mundo di dragrace a fayece di forma inespera den fin di siman

ORANJESTAD   (AAN): Teomar Jr. Croes (Teochi) di 33 aña di edad, biba na Santa Cruz, conoci pa su hobby di dragrace y pa drecha auto bou garashi, a fayece diadomingo ultimo di forma inespera na cas di mayornan. Famia ta pensa cu lo por ta di un ataca di curason, […]